SEGUNDA XORNADA, SEGUNDA VITORIA

Foi tarde de voleibol no pavillón Bergantiños en Carballo. Ás 16:30 comezaba o encontro entre os veteranos do Xiria e o Mexillón de Ouro VB Rianxo, as 18:00 comezou o partido da categoría feminina, que supuxo outra vitoria para as rapazas de A.D. Xiria Asesoría Cervantes.
A vitoria fronte a Zona Libre Voleibol de Sarria foi contundente, por tres sets a cero, e posiciona ás rapazas do Xiria primeiras na clasificación.
A experiencia no campo e o acerto no saque das rapazas de Rosalino Mariño foi o que mantivo ás de Sarria lonxe no marcador, cuns resultados nos parciais de 25-10; 25-17 e 25-13.
Vanse facendo evidentes os adestramentos e o equipo parece estar a cada partido máis cohesionado.
Esperemos que de novo as sensacións sexan boas no seguinte partido contra un dos rivais máis duros da categoría, o EMEVE Elide, o próximo domingo, 24 de novembro, en Lugo.