O sábado 28 de novembro ás 12:30 h xogaranse na casa (P.M. Carballo Calero) os partidos de categoría cadete e xuvenil.
O Hierros Varela Urbieta de categoría cadete dirixido por Luis Outeiro recibe ó Podología Esteiro – Narón Volei nun encontro que pode aclarar cal é o equipo mais forte do grupo A da 3ª División Autonómica Cadete Feminina.
Pola súa banda o equipo da 2ª División Xuvenil, o Gestiber Xiria recibe ó C.V. Santiago buscando reencontrarse co xogo amosado no último partido xogado na casa. A adestradora Beatriz Souto espera poder contar con todo o plantel para este choque.
O equipo de 1ª Senior feminina viaxará a Ames para enfrontarse ó C.V. Bruxas 5º clasificado cunha victoria mais co Asesoría Cervantes Xiria. O encontro será o domingo 29 de novembro ás 12:00 no P.M. Bertamiráns (Ames). Preséntase un encontro complicado para o plantel dirixido por Asier García de Dios, contra un rival moi difícil, que comezou a liga moi ben.
