O domingo ás 12:30 h no PM Vila de Noia, as xogadoras do Asesoría Cervantes Xiria da 1ª División Senior Autonómica xogarán fronte ó Secreto Galaico Xuvenil de Teis. O encontro preséntase con moita tensión xa que as viguesas gañaron na primeira volta ó equipo carballés, e nesta volta a victoria non se lles pode escapar ás xogadoras verdinegras para subir a postos de loita polo título e garantir a permanenza na categoría. O técnico García de Dios, espera poder contar con case todas as xogadoras, a excepción de un par de xogadoras por lesión.
Antes de que salte á cancha o equipo senior, ás 10:30 h no mesmo pavillón xogará o Gestiber Xiria da 2ª División Autonómica Xuvenil contra o líder, o Vagalume Ferrol.
Pola sua parte, as xogadoras da 3ª División Autonómica Feminina viaxan o sábado a Narón, para xogar contra o Podoloxía Esteiro Narón Volea ás 10:00 h no Campo da Serra (Narón).
