O Asesoría Cervantes Xiria prepárase para a final a catro

O equipo senior de Xiria Volei, que compite este ano na 1ª División Autonómica, xogará o vindeiro sábado a final a catro polo título da categoría. O equipo carballés viaxará ata Ourense para enfrontarse nas semifinais ante o CV Bruxas – IES de Ames. A outra semifinal a xogarán o equipo organizador, o Caldaria VoleyOurense, co Club Deportivo Padre Faustino (Calasancias Coruña). O equipo de Ames e o de Ourense pasaron como primeiros de grupo a esta fase final, sendo o equipo Ourensán, en teoría, o máximo candidato a alzarse co título, sendo o campión actual e perdendo únicamente un encontro no que vai de tempada. O favorito na outra semifinal é o equipo de Ames despois dunha fase regular extraordinaria e chegando imbatido da segunda fase. Aínda así, os outros semifinalistas terán a última palabra, tanto as carballesas coma as coruñesas foron moito mais irregulares o longo da tempada. No caso do equipo coruñés, aínda que comezaron fortes nos postos altos da clasificación, pegaron un baixón que fixo que a clasificación entre os seis millores o termino da 1ª Fase se fixera derrogar. O Asesoría Cervantes Xiria tivo unha tempada marcada polas baixas, a priori a pesar de ser un equipo novo na categoría, o conxunto carballés xuntaba unha plantilla equilibrada e con experiencia para afrontar con garantías a competición, pero a realidade foi moi distinta. O equipo mermado encontro tras encontro, comezou moi mal a tempada acabando penúltimo a primeira volta da liga regular, pouco a pouco o equipo asentouse e comezou a ascender na táboa e, in extremis, clasificouse entre as seis millores na última xornada da 1ª Fase. Na 2ª fase e xa ca permanenza no peto, un equipo moi xusto logrou clasificarse como 2º de grupo para esta Fase Fina,l despois de dobregar nos dous encontros o Autos Cancela Zalaeta e caer nos dous ante o Caldaria VoleyOurense.

As semifinais xogaranse ó mesmo tempo no Pazo dos Deportes «Paco Paz» de Ourense, ás 10:00 H. Os perdedores xogarán polo 3º posto ás 15:00h e os gañadores loitarán polo título ás 17h. Cabe destacar que os dous finalistas terán praza para a fase de ascenso a 1ª División Nacional que se xogará en Avilés entre o 6 e o 8 de maio.

No mesmo complexo deportivo xogarase tamén á par a final a catro de categoría masculina.

Asesoría Cervantes Xiria – 1ª División Autonómica Senior Feminina

Os equipos que participan na competición de Xogade de Deporte Escolar terán unha nova xornada este vindeiro sábado, no Pavillón do Monte das Moas coruñés, como ven sendo habitual.

O balón comezará a moverse ás 10:35 h co equipo alevín do Hierros Varela Urbieta Xiria ante o Calasancias B da Coruña. O equipo tentará perder os nervos que o atenaza noutros encontros, co obxectivo de divertirse e mostrar do que son capaces.

Ás 12:30 h o Almacenes Agro Xiria de categoría infantil xogará ante o Montespiño coruñés, no que será o penúltimo encontro das carballesas. O equipo carballés segue imbatido nesta tempada sen perder un set, sendo serio candidato para clasificarse para as finais provinciais.