Sábado 12 de Marzo de 2016 – 19:00 h
P.M. Vila de Noia (Carballo)
Asesoría Cervantes Xiria – Caldaria VoleyOurense
0 – 3 (18-25/13-25/21-25)
Mal encontro do Asesoría Cervantes Xiria na casa ante o Caldaria VoleyOurense, no encontro correspondente á terceira xornada do Grupo A da 2ª Fase da 1ª División Autonómica Senior.
O xogo comezou con certa igualdade nos primeiros intres do mesmo, pero os erros non forzados das locais e o bo xogo das visitantes foi abrindo brecha no marcador.
Xa no segundo set, as carballesas impotentes ante o xogo rival e ante os seus propios erros, comezaron a fallar ainda mais, permitíndolle ás ourensáns levar o segundo set con moitísima facilidade.
O derradeiro xogo do encontro, parecíase mais ó primeiro, e a igualdade mantívose mais tempo, pero a concentración das campionas da liga regular, bastoulles para adiantarse no marcador na recta final e levarse os tres puntos de Carballo.
A vindeira xornada, o Asesoría Cervantes xogará de novo na casa e recibirá ó Autos Cancela Zalaeta, nun encontro que parece que pode ser clave para dirimir cal dos dous equipos acompañará ó favorito, o Caldaria VoleyOurense, na final a catro da liga.
No Asesoría Cervantes Xiria xogaron: 1. Noya, 3. González, 4. Castro, 7. García, 9. Cotelo, 13. Souto, 14. Tarrío, 15. Rodríguez e 17. Rostro (líbero).
Sábado 12 de Marzo de 2016 – 17:30 h
Centro Galego de Tecnificación Deportiva (Pontevedra)
Alianza Española Seguros Pontevedra – Gestiber Xiria
0 – 3 (16-25/10-25/16-26)
Gran victoria das xuvenís do Gestiber Xiria en terras pontevedresas, que as mantén na segunda praza do seu grupo, na loita por manter a categoría na 2ª División Autonómica.
As carballesas visitaron a capital do Lérez, e loitaron por unha victoria depois do mal encontro da semana anterior. O xogo desplegado valeu para gañar o con comodidade e posicionarse o mellor posible na táboa nesta segunda fase de cara ós cruces eliminatorios da fase final. A vindeira xornada visitarán ó Aldebarán no primeiro encontro da segunda volta desta fase de grupos. Na primeira volta, as carballesas gañaron con claridade ás de San Sadurniño. Esta semana o equipo deberá de traballar duro para optar a victoria no encontro.
Sábado 12 de Marzo de 2016 – 17:00 h
P.M. Vila de Noia (Carballo)
Hierros Varela Urbieta Xiria – Voleiplaya Lugo
1 – 3 (19-25/20-25/25-23/22-25)
Non puido ser, as cadetes do Xiria Volei caeron na casa ante o Voleiplaya Lugo nun encontro bastante igualado, onde a falta de confianza das carballesas foi clave na derrota.
Encontro igualado, onde os erros non forzados das carballesas e a maior envergadura do equipo visitante foron decisivos no devenir do encontro. Os dous primeiros sets, foron moi igualados pero o maior empuxe das lucenses e a súa motivación conseguiron desequilibrar o encontro. No terceiro, as carballesas non tiraron a toalla e conseguiron con moito esforzo e minizando os erros propios levarse o set pola mínima. O último xogo do encontro, seguiu o mesmo patrón, onde as lucenses cada vez remataban mais forte e o Xiria facía o seu xogo para manter a igualdade no marcador. Ó final non puido ser, e as lucenses sumaron unha nova victoria.
As carballesas xogarán a vindeira xornada en Monforte ante o Ribeira Sacra, no primeiro encontro da segunda volta da 2ª fase de grupos. As carballesas caeron derrotadas na primeira volta 2-3 ante as monfortinas, e esperan devolverlles o resultado a domicilio.
Sábado 12 de Marzo de 2016
P. Monte das Moas (A Coruña)
Almacenes Agro Xiria – Zalaeta B
2 – 0 (25-7/25-9)
Aldebarán – Almacenes Agro Xiria
0 – 2 (9-25/8-25)
Dobre victoria do Almacenes Agro Xiria de categoría infantil nos encontros do fin de semana da liga Xogade de Deporte Escolar. As carballesas seguen intratables na competición, sumando cinco victorias en cinco encontros, sen perder ningún set. A pesar dos resultados favorables, as xogadoras estánse a esforzar por mellorar día a día tanto a nivel técnico coma táctico para seguir evolucionando de cara o cambio de categoría da tempada que ven.
Sábado 12 de Marzo de 2016
P. Monte das Moas (A Coruña)
Liceo B – Hierros Varela Urbieta Xiria
2 – 0 (25-9/25-13)
Derrota das xogadoras do Xiria de categoría Alevín na competición de Xogade de Deporte Escolar. Día apático no que as carballesas non mostraron o seu bo facer na pista e non conseguiron darlle guerra as xogadoras do Liceo que obtiveron unha victoria clara. Esta semana toca seguir traballando con ilusión e alegría coma sempre para mellorar día a día, e recuperar a alegría na cancha e durante o xogo.
Sábado 12 de Marzo de 2016
P. Calasancias (A Coruña)
Tarde de ilusión e volei para as mais peques da familia de Xiria Volei. As benxamíns da casa xogaron catro encontros fronte ós diferentes equipos do colexio Liceo, mostrando todo o que van aprendendo día a día nos adestramentos. Risas, complicidade e emoción resumen estes encontros de pequevolei no que os pequenos dos diferentes clubes e colexios reúnense para compartir momentos de esparcemento a través do volei con outros compañeiros do resto da provincia.
