Almacenes Agro Xiria Infantil
Último encontro da fase zonal do programa Xogade de Deporte Escolar, para o Almacenes Agro Xiria infantil. As carballesas chegan ó último encontro desta primeira fase invictas, sen ceder ningún xogo nos seis encontros disputados ata o de agora. O equipo tentará manter a imbatibilidade ante o rival mais forte da competición, o Colexio Liceo, que ó igual cas carballesas continúa invicto na competición, aínda que cun encontro xogado menos. Ata o momento ningún equipo conseguiu plantarlle cara ás verdinegras que gañaron con moita solvencia tódolos encontros disputados. Este sábado xogan o último encontro ante o Liceo ás 11:45 h no Pavillón do Monte das Moas da Coruña, a espera de xogar as finais provinciais a finais de maio.
O equipo está a traballar pensando no futuro, mais que nos resultados obtidos, e está adestrando nas últimas semanas con sistemas de xogo mais complexos, que as axude a evolucionar técnica e tácticamente. O total do plantel pasará a categoría cadete a vindeira tempada, polo que o traballo que se está a facer, está moi enfocado xa na evolución das xogadoras para a nova categoría. No Almacenes Agro Xiria, xa hay seis xogadoras que están a competir con regularidade en categoría cadete este ano, e que se covertirán o ano que ven no eixo central de cadetes. De feito, están agora mesmo preparando xunto cas cadetes a eliminatoria polo ascenso a 2ª División Autonómica Cadete que se disputará en maio a dúas voltas contra o equipo de Noia.
Hierros Varela Urbiera Xiria Infantil
A saúde do voleibol carballés nas categorías inferiores goza de moi boa saúde. Na categoría infantil, ademais do Almacenes Agro Xiria, competiou este ano outro equipo, sumando entre os dous un total de 23 xogadoras. O Hierros Varela Urbieta Xiria infantil xa rematou a competición, pero a pesar de so gañar dous encontros, a evolución das xogadoras está sendo moi boa, e estiveron a piques de gañar un par de encontros mais. Este equipo é un plantel mais xoven, cunha mezcla de xogadoras que o ano que ven serán aínda infantís, xogadoras mais veteranas e rapazas que están a practicar o voleibol por primeira vez este ano. Dende a dirección do Xiria Volei, están convencidos de que esta xeración e as que veñen por detrás apuntan moi boas maneiras, e mais cedo que tarde están chamadas a convertirse no gran futuro do Xiria Volei.
Hierros Varela Urbieta Xiria Alevín
Este sábado tamén no Pavillón do Monte das Moas da Coruña, xoga o seu penúltimo encontro o Hierros Varela Urbieta Xiria de categoría alevín. O encontro disputarase ás 11:05 h, cun plantel que está a traballar moi ben, ó que lle falta soltar os nervos e despreocuparse un pouco mais dos resultados para mostrar o seu bo facer nos encontros.
